Газар Шим үйлдвэр оффис

Манай компани 1999 онд Монголын анхны хүнсний ногооны консервын үйлдвэрийг байгуулж үйл ажиллагаагаа эхлүүлсэн.Одоогоор 280 гаруй ажиллагчидтайгаар 40 гаруй нэр төрлийн 5 сая орчим шил бүтээгдэхүүн үйлдвэрлэж энэ салбартаа тэргүүлж байна. Манай компани үйлдвэрлэж буй бүтээгдэхүүнээ өөрсдийн боловсруулсан монгол технологи, жороор үйлдвэрлэж, тогтворжуулагч бодис, консервант хийдэггүй, зөвхөн дулааны боловсруулалт хийх замаар даршилдаг. Ийм учир бүтээгдэхүүнийг задалснаас хойш бусад бүтээгдэхүүн шиг удаан хадгалж болдоггүй. Бид жилээс жилд үйлдвэрлэх бүтээгдэхүүний тоо хэмжээ, нэр төрлийг нэмэгдүүлж энэ төрлийн бүтээгдэхүүний дотоодын зах зээл дээрх тэргүүлэх байр сууриа улам бататган ажиллаж байна. Манай компани 2018 онд Салбартаа анх удаа Чанарын удирдлагын тогтолцоо ISO 9001, Хүнсний аюулгүй байдлын удирдлагын тогтолцоо ISO 22000, GMP олон улсын стандартуудыг амжилттай хэрэгжүүлж, батламжаа гардан авсан. 2023 онд Газар шим үйлдвэр ХК нь компани нээлттэй хувьцаат компани болж 3000 гаруй хувьцаа эзэмшигчтэй болсо н байна.